DİM sədri: "Valideynlər övladlarının azad seçim etməyinə mane olur"

"30 yaşında şəxs dövlət qulluğuna qəbul olmaq üçün imtahan verir. Nəticələrdən narazı olan namizədin atası apellyasiya üçün bizə müraciət edir".

"Report" xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O qeyd edib ki, valideynlər övladlarının azad seçim etməyinə mane olur: "Atasının hələ uşaq kimi qəbul etdiyi birinə dövlət qurumunda necə fərd kimi yanaşa bilərlər? Kim nə istəyirsə, dediklərimizin həmin hissəyə aid olan hissəsini dərk edir".