Bakı. 14 noyabr. REPORT.AZ/ AMEA Arxeologiya və Etnoqrafiya İnstitutunun Muğan-neolit ekspedisiyası Cəlilabad royununda arxeoloji tədqiqat işlərini başa çatdırıb. "Report" xəbər verir ki, bu barədə AMEA-nın yaydığı məlumatda bildirilib.
Ekspedisiyanın rəhbəri, tarix üzrə elmlər doktoru Tufan Axundovun sözlərinə görə, tədqiqat işləri rayonun Üçtəpə kəndi ərazisində aparılıb. Burada Polutəpə qədim yaşayış yerində 6 min bundan əvvələ aid maddi-mədəniyyət nümunələri - kərpicdən tikilmiş bina qalıqları, saxsı qablar, kiçik ölçülü fiqurlar aşkar olunub.