BDU və Fransanın Lion 2 Universiteti növbəti əməkdaşlıq proqramını müzakirə edir

Bakı Dövlət Universiteti (BDU) və Fransanın Lion 2 Universiteti dayanıqlı iqtisadiyyat sahəsində magistrlər üçün ikili diplomların verilməsi üzrə növbəti əməkdaşlıq proqramını müzakirə edir.

“Report” xəbər verir ki, bu barədə səfir Zakari Qross jurnalistlərə bildirib.

Bundan başqa, Azərbaycan Turizm və Menecment Universiteti ilə Fransanın ali təhsil müəssisəsi arasında oxşar müqavilənin bağlanması planlaşdırılır.

Z.Qross Azərbaycan və Fransanın uzun illər mühəndislik və incəsənət sahələrində əməkdaşlığı inkişaf etdirdiklərini, hazırda isə təhsilin digər sektorlarında əməkdaşlığı inkişaf etdirməyin vaxtının çatdığını əlavə edib.