Bakıdakı məktəblərdə valideynlərdən pul tələb edilməsi ilə bağlı məlumatlara rəsmi münasibət bildirilib

Bakıdakı məktəblərdə valideynlərdən pul tələb edilməsi ilə bağlı məlumatlara rəsmi münasibət bildirilib "Bakı Şəhəri üzrə Təhsil İdarəsinin tabeliyində olan təhsil müəssisələrində mütəmadi olaraq profilaktik söhbətlər aparılır"
Elm və təhsil
305
18 Sentyabr , 2017 09:17
Bakıdakı məktəblərdə valideynlərdən pul tələb edilməsi ilə bağlı məlumatlara rəsmi münasibət bildirilib

Bakı. 18 sentyabr. REPORT.AZ/ Bakıdakı orta məktəblərdə valideynlərdən pul tələb edilməsi ilə bağlı son günlər sosial şəbəkələrdə yayılmış məlumatlara rəsmi münasibət bildirilib.

Bakı Şəhəri üzrə Təhsil İdarəsindən (BŞTİ) “Report”un sorğusuna cavab olaraq qeyd olunub ki, bununla bağlı BŞTİ-yə heç bir mürüciət daxil olmayıb.

“Ümumi təhsil müəssisələrinin fəaliyyəti ilə bağlı konkret faktlara əsaslanan və anonim olmayan müraciətlər olduğu halda araşdırılır və müvafiq tədbirlər görülür. Onu da qeyd edək ki, Bakı Şəhəri üzrə Təhsil İdarəsinin tabeliyində olan təhsil müəssisələrində mütəmadi olaraq profilaktik söhbətlər aparılır və təlimatlandırıcı tövsiyələr verilir. Bu baxımdan valideynlərlə aparılan iş də xüsusilə qeyd olunmalıdır ”- deyə, BŞTİ-dən bildirilib.