Bakıda iş yerləri daimiləşən müəllimlərin sayı açıqlanıb

Bakıda iş yerləri daimiləşən müəllimlərin sayı açıqlanıb.

Bakı Şəhəri üzrə Təhsil İdarəsindən "Report"a verilən məlumata görə, müəllimlərin işə qəbulu müsabiqəsinin elektron yerləşdirmə mərhələsində müvafiq keçid balını toplayaraq ümumi təhsil müəssisələri üzrə vakant yerə müddətli əmək müqaviləsi ilə işə qəbul edilmiş müəllimlər üçün bu ilin fevral, aprel və may aylarında onlayn müsahibələr keçirilib.

Müsahibələr nəticəsində Bakı Şəhəri üzrə Təhsil İdarəsinin tabeliyindəki ümumi təhsil müəssisələrində müddətli müqavilə əsasında çalışan 1 010 nəfər müəllimin iş yeri daimiləşib.