Bakı məktəblisi alternativ enerji mənbələri ilə bağlı yeni layihə hazırlayıb

Bakı məktəblisi alternativ enerji mənbələri ilə bağlı yeni layihə hazırlayıb Fuad Qocayev ənənəvi enerji əldə etmək üsulundan fərqli bir metod irəli sürüb
Elm və təhsil
125
22 May , 2018 10:01
Bakı məktəblisi alternativ enerji mənbələri ilə bağlı yeni layihə hazırlayıb
0 : 00
0 : 00

Bakı. 22 may. REPORT.AZ/ Paytaxt məktəblisi alternativ enerji mənbələri ilə bağlı yeni layihə hazırlayıb.

Bu barədə "Report"a Bakı Şəhəri üzrə Təhsil İdarəsinin İctimaiyyətlə əlaqələr sektorundan məlumat verilib. 

Belə ki, idarənin tabeliyindəki 220 nömrəli məktəb-liseyin IX sinif şagirdi Fuad Qocayev ənənəvi enerji əldə etmək üsulundan fərqli bir metod irəli sürüb. F.Qocayev yaşayış binalarının ətrafında alternativ enerji mənbələri aşkar etmək üçün itkiyə gedən enerjini akkumlyatorlar vasitəsilə toplamaq üsulu üzərində çalışıb.

Yaşayış binalarının ətrafından keçən yollarda avtomobillərin hərəkətindən alınan mexaniki enerjinin elektrik enerjisinə çevrilməsi və akkumlyatorlar vasitəsilə toplaması üsulu layihənin əsasını təşkil edir. Məktəbli bunun üçün yeni qurğuların hazırlanması, onların fasiləsiz işləməsinin təmin edilməsi, alternativ enerji istehsalı və toplanması üçün təkliflər irəli sürüb. Mütəxəssislər tərəfindən yüksək dəyərləndirilən layihənin uğurlu inkişaf perspektivi üçün müvafiq işlər aparılır.

Qeyd edək ki, “Öz enerjisini özü yaradan evim” adlanan layihənin əsas məqsədi sərf olunan enerji resurslarının tükənməsinin qarşısını almaq, ekoloji tarazlığın qorunmasına töhfə vermək, ətraf mühitdə mümkün qədər daha çox alternativ enerji mənbələri aşkarlamaq, onlardan istifadə yollarını müəyyənləşdirmək və gəncləri bu işə cəlb etməkdən ibarətdir.

Son xəbərlər

Orphus sistemi