Bahar Muradova: "Azərbaycanda qızların təhsilə cəlbi ilə bağlı vacib addımlar atılır"

"Qızlar, onların inkişafı, təhsili və cəmiyyətin digər üzvləri ilə birlikdə hüquqlarının bərabər qorunması bütün beynəlxalq təşkilatların arzusudur".

"Report" xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib.

O xatırladıb ki, qadınların qapalı məkandan çıxarılmasının yeganə yolu təhsil olub: "Azərbaycanda qızların təhsilə cəlbi ilə bağlı vacib addımlar atılır. Hər kəs qızların təhsilinə dəstək olmalıdır. Xüsusilə də imkanlı şəxslər bu işə öz töhfələrini verməlidirlər".