Azərbaycanda itkin düşən tələbə tapıldı, borcu varmış

Azərbaycanda itkin düşən tələbə tapıldı, borcu varmış Azərbaycan Texniki Universitetinin (AzTU) Energetika və avtomatika fakültəsinin itkin düşən III kurs tələbəsi Hüseynov İlkin Saleh oğlu tapılıb
Elm və təhsil
4092
18 May , 2021 10:25
Azərbaycanda itkin düşən tələbə tapıldı, borcu varmış
İlkin Hüseynov

Azərbaycan Texniki Universitetinin (AzTU) Energetika və avtomatika fakültəsinin itkin düşən III kurs tələbəsi Hüseynov İlkin Saleh oğlu tapılıb.

"Report"un Şimal bürosu xəbər verir ki, o, artıq Şabranda evlərindədir.

İ.Hüseynov sosial şəbəkədə paylaşım edərək bildirib: "Bu çətin 7 gün ərzində məni axtaran və ailəmin yanında olan hər kəsə təşəkkür edirəm. Hər şeyin bundan da yaxşı olması diləyi ilə".

Tələbənin atası Saleh Hüseynov isə deyib ki, oğlu bu müddət ərzində Bakıda olub: "İlkin işlədiyi restorandan əmək haqqısını aldıqdan sonra xərcləyib. Bundan başqa, tanışından da 200 manata yaxın pul götürüb və onu da xərcləyib. Borcunu qaytara bilməyəcəyini fikirləşib və utandığından evə gəlmək istəməyib. Bir neçə gün Bakıda gözdən uzaq yerlərdə gecələyib. Nəhayət evə dönməyə qərar verib. Hazırda evdədir. Şükür indi hər şey yaxşıdır və səhhəti də normaldır".

Qeyd edək ki, İ.Hüseynov sonuncu dəfə mayın 11-də saat 15:40-da Bakıdan yaşadığı Şabrana gedərkən nənəsi ilə danışıb, Siyəzən rayon ərazisində yerləşən Xızırzində pirinin yaxınlığında olduğunu bildirib və 20 dəqiqəyə evə çatacağını qeyd edib. Ondan sonra İlkinin telefonuna bir daha zəng çatmayıb.

Son xəbərlər

Orphus sistemi