Astara Rayon Təhsil Şöbəsinə yeni müdir təyin olunub

Astara. 31 iyul. REPORT.AZ/ Astara Rayon Təhsil Şöbəsinə yeni müdir təyin olunub.

"Report" xəbər verir ki, bu vəzifəyə müvafiq əmrlə Həsənov Rəşad Vasif oğlu təyin edilib. R. Həsənov 1982-ci ildə Astara rayonu Şahağac kəndində anadan olub. 2004-ci ildə Lənkəran Dövlət Universitetini Biologiya müəllimi ixtisası üzrə bitirib. 2004-2005-ci illərdə hərbi xidmətdə olub. 2005-2006-cı illərdə Astara rayonu D.Əsədov adına Şahağac kənd 2 saylı tam orta məktəbdə müəllim, 2006-2016-cı illərdə Astara rayonu D.Əsədov adına Şahağac kənd 2 saylı tam orta məktəbin təlim-tərbiyə işləri üzrə direktor müavini, 2016-2018-ci-illərdə Astara Rayon İcra Hakimiyyəti başçısının Şahağac kənd inzibati ərazi dairəsi üzrə nümayəndəsi vəzifəsində çalışıb. YAP Astara Rayon Təşkilatı Siyasi Şurasının və İdarə Heyətinin üzvüdür. Ailəlidir, 4 övladı var.

Qeyd edək ki, təhsil şöbəsinin əvvəlki müdiri Qızbəs Məmmədova iyunda vəzifəsindən azad olunaraq, Astara RİH-in İctimai-siyasi və humanitar məsələlər şöbəsinin müdiri vəzifəsinə təyin edilib.