Qanunsuz balıq ovlayanlar 7 000 manat cərimələnib

Qanunsuz balıq ovlayanlar 7 000 manat cərimələnib Qanunsuz ov edən şəxslər cəzalandırılıb
Ekologiya
372
27 Oktyabr , 2021 09:08
Qanunsuz balıq ovlayanlar 7 000 manat cərimələnib

Qanunsuz ov edən şəxslər cəzalandırılıb

Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Xəzər dənizi sahillərində qanunsuz balıq ovlayan şəxslər saxlanılıb.

Xidmət rəsmisi Bəhruz Məhəmmədov "Report"a bildirib ki, araşdırma zamanı brakonyerlərin Xaçmaz rayon sakini Ramil Mustafayev, Bakı şəhər sakini Kamal Mehtiyev olduğu müəyyən edilib.

Onun sözlərinə görə, faktla bağlı qanun pozucuları barəsində protokol tərtib olunub və qanunamüvafiq tədbirlər görülüb: "Keçirilən nəzarət tədbirləri zamanı su hövzələrindən ümumilikdə 560 metr uzunluğunda sintetik tor yığışdırılıb. Eyni zamanda, ayrı-ayrı rayonların inzibati ərazisində qanunsuz ov edən Masallı rayon sakinləri Şiralı Qəmbərov, Rasim İsmayılov, Tovuz rayon sakini Nofəl Qurbanov, İmişli şəhər sakini Cahət Hüseynov, Saatlı rayon sakinləri İlqar Qurbanov, Laçın Mürsəlov, Yevlax rayon sakini Eldar Əliyev saxlanılıb və onlardan istifadəsi qadağan olunmuş ov alətləri götürülüb. Faktla bağlı akt, protokol tərtib olunub və brakonyerlər ümumilikdə 7 000 manat məbləğində cərimə edilib”.

Son xəbərlər

Orphus sistemi