Nazir Hüseyn Bağırovun Ağsuda vətəndaşlarla görüşünün tarixi dəyişdirilib

Bakı. 24 may. REPORT.AZ/ Ekologiya və təbii sərvətlər naziri Hüseyn Bağırovun Ağsu şəhərində vətəndaşlarla görüşünün tarixi dəyişdirilib.

Ekologiya və Təbii Sərvətlər Nazirliyinin mətbuat xidmətindən "Report"a verilən məlumata görə, nazir Hüseyn Bağırovun may ayının 27-də Ağsu şəhərində Göyçay, Şamaxı, Qobustan və Kürdəmir rayonlarında yaşayan vətəndaşlarla nəzərdə tutulan görüşünün tarixi iyun ayının 3-nə keçirilib.

Görüş saat 10:00-da Uşaq Yaradıcılıq Mərkəzində (ünvan: Ağsu şəhəri, M.Rəsulzadə 174) keçiriləcək.

Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 “Qaynar xətt”i ilə əlaqə saxlamaları, həmçinin 6 saylı Ekologiya və Təbii Sərvətlər şöbəsinə (Göyçay şəhəri, Rauf İsayev küçəsi 42) müraciət etmələri (əlaqə telefonları: 020-274-35-15, 055-455-41-21, 050-668-29-31) xahiş olunur.