Yuxarı
    Bağlamaq

    Nazir: "Canavarların kəndlərə hücumu insanın yaratdığı problemdir, canavarın deyil"

    Hüseyn Bağırov: Qanun canavar hücum etdikdə ondan müdafiə olunmağı qadağan etmir”

    Bakı. 18 noyabr. REPORT.AZ/ “Canavarların kəndlərə hücumu insanın yaratdığı problemdir, canavarın deyil”. 

    "Report" xəbər verir ki, bunu jurnalistlərə açıqlamasında ekologiya və təbii sərvətlər naziri Hüseyn Bağırov deyib.

    O bildirib ki, son illər Azərbaycan əhalisinin və kəndlərdə tikilən evlərin sayı artıb: Vaxtilə Azərbaycanda kəndlərdə on ev var idi, indi yüz ev var. İnsan torpaqları işğal edir. Bir tərəfdən həmin canavarın təbii arealı daralır, digər tərəfdən təbii yem bazası məhv edilir. İkinci tərəfdən də biz gözləyirik ki, o özünə alternativ tapmasın. Qanun canavar hücum etdikdə ondan müdafiə olunmağı qadağan etmir”.
    Nazir qeyd edib ki, canavarları heç kim məqsədli surətdə heç kimin üzərinə yeritmir: “Azərbaycan tarixində şir və pələng olub, amma məhv olub. Bəbirlərin sayı azalıb. Canavar da olub və olsa yaxşıdır. Əgər biz Azərbaycanın böyük bir fermaya çevrilməməsini, bağların, çəmənlərin, meşələrin, toxunulmaz yerlərin qalmasını istəyiriksə, bunu nəzərə almalı və həyatımızı buna uyğun qurmalıyıq”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi