Yuxarı
    Bağlamaq

    Nazir: "Azərbaycanda yeni zeytun bağları salınacaq"

    Hüseyn Bağırov: ​Son illərdə 4 min hektardan çox ərazilər tam yaşıllaşdırılıb

    Bakı. 23 may. REPORT.AZ/ "Son illərdə 4 min hektardan çox ərazilər tam yaşıllaşdırılıb. Əkilən ağacların 2 min hektardan çoxu zeytun ağaclarıdır".

    "Report" xəbər verir ki, bunu jurnalistlərə açıqlamasında ekologiya və təbii sərvətlər naziri Hüseyn Bağırov deyib.

    O bildirib ki, zeytun bağlarını 5 min hektara çatdırmağı nəzərdə tuturlar: "Bu o deməkdir ki, Azərbaycana artıq xaricdən zeytun yağı, yaxud zeytun məhsulları gətirilməyəcək. Düşünürük ki, zeytun məhsullarını özümüz ixrac edəcəyik. Yaxın 4-5 ildə biz bu işin öhdəsindən gələcəyik". 

    Nazirin sözlərinə görə, Azərbaycanda ümumilikdə 7 min hektar aqromeşə əraziləri var: "Onun 3 min hektarı əvvəlki illərdə salınan qoz, fındıq, şabalıd bağlarıdır. Növbəti 5 ildə 96 milyon meyvə tingi yetişdirməyi qarşımıza məqsəd qoymuşuq".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi