Yuxarı

Nazir: "Azərbaycan dəniz sularının çirklənməməsi üçün çox işlər görüb"

Hüseyn Bağırov: 104 kilometrdə patrogen mikroblarının olmadığı üzə çıxır

Bakı. 19 noyabr. REPORT.AZ/ “Azərbaycan dəniz sularının çirklənməməsi üçün çox işlər görüb. 104 kilometr məsafədə, Abşeron yarımadasının şimal sahillərində dənizə sıfır axıntı həyata keçirilir”. “Report” xəbər verir ki, bunu jurnalistlərə Azərbaycan ekologiya və təbii sərvətlər naziri Hüseyn Bağırov deyib. 

Onun sözlərinə görə, böyük axarların, kanalizasiya tullantıları üzərində “Azərsu” özünün müəssisələrini tikib, bununla da dənizə təmiz suyu axıdır: “Yiyəsiz, sahibi olmayan axıntıların üzərində Ekologiya və Təbii Sərvətlər Nazirliyi 17 stansiya quraşdırıb. Bu stansiyalar axan suları təmizləyir və yenidən dənizə buraxır. Səhiyyə Nazirliyinin müvafiq qurumu tərəfindən çimərlik mövsümündə aparılan yoxlamalar nəticəsində insanlara ziyan dəyməyəcəyi məlum olur. Məhz bu 104 kilometrdə patrogen mikroblarının olmadığı üzə çıxır”.

Nazir deyib ki, 60-a yaxın rayon mərkəzində çirkli suların təmizlənməsi ilə bağlı kanalizasiya sistemlərinin qurulması layihələri həyata keçirilir: “Bir milyarddan çox investisiya qoyulub. Həmin layihələrin başa çatması ölkədə bu sahədə vəziyyəti normal səviyyəyə çatdıracaq”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi