Yuxarı

Milli parkda "Açıq qapı" günü elan edildi - FOTO - VİDEO

​Milli parkda "Açıq qapı" günü elan edildi

“Təbiət keşikçi ilə deyil sevgi ilə qorunur!” şüarı altında Abşeron Milli Parkında Ümumdünya Vəhşi Təbiətin Mühafizəsi Təşkilatının, Azərbaycan Ornitoloji Cəmiyyətinin və məktəblilərin iştirakı ilə ekoloji təlim keçirilib.

Bu barədə "Report"a Ekologiya və Təbii Sərvətlər Nazirliyinin Mətbuat Xidmətindən məlumat verilib. 

Bildirilib ki, Abşeron Milli Parkının yaradılmasının 15 illiyi ilə əlaqədar təşkil olunan tədbirə Təhsil Nazirliyinin “Məktəblinin dostu” layihəsinin dəstəyi ilə Suraxanı rayonunun 280 saylı məktəbinin 40-dan çox şagirdi qatılıb.

Məktəblilərə Azərbaycanın qorunan təbiət ərazilərinin əhəmiyyəti, flora və fauna növlərinin mühafizəsi, ətraf mühitə münasibətdə məktəblilərin mövqeyi ilə bağlı məlumatlar verilib və məktəbliləri maraqlandıran suallar cavablandırılıb. Təlimdə fəallıq göstərən şagirdlər hədiyyələrlə mükafatlandırılıb, bütün iştirakçılara isə il ərzində yaxınları ilə birgə parka ödənişsiz daxil olmaları üçün Abşeron Milli Parkı tərəfindən dəvət kartı paylanılıb.

Qeyd edək ki, Abşeron Milli Parkı dövlət başçısının 2005-ci il 8 fevral tarixli sərəncamı ilə yaradılıb.

Bu gün milli parkda "Açıq qapı" günü elan edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi