Daha bir meşənin yanma təhlükəsi yaranıb

Bakı. 31 iyul. REPORT.AZ/ Bu gün Quba rayonunun Pirvahid adlanan ərazisindəki pay torpaqlarında yanğın hadisəsi baş verib. Bu barədə "Report"a Ekologiya və Təbii Sərvətlər Nazirliyinin (ETSN) mətbuat xidmətindən bildirilib.

Məlumata əsasən, yanğının söndürülməsi və meşə fondu torpaqlarına keçməsinin qarşısını almaq üçün ETSN-in yerli qurumlarının əməkdaşları və Fövqəladə Hallar Nazirliyinin Yanğından Mühafizə Xidmətinin canlı qüvvə və texnikası təcili olaraq yanğının baş verdiyi əraziyə ezam olunublar. Hazırda yanğının söndürülməsi istiqamətində təcili tədbirlər həyata keçirilir.