Yuxarı
    Bağlamaq

    Lerikin Meşə Mühafizəsi və Bərpası Müəssisəsi ərazisində yanğın söndürülüb

    Yanğın zamanı təxminən 25 sot ərazidə quru ot və kol-kos yanıb

    Bakı. 25 mart. REPORT.AZ/ Ötən gün Lerik Meşə Mühafizəsi və Bərpası Müəssisəsinin Razvandoband meşəbəyliyinin yüksək dağlıq ərazisindəki 19 a saylı dolayında baş vermiş yanğın saat 22-50 radələrində Ekologiya və Təbii Sərvətlər (ETSN) və Fövqəladə Hallar nazirliklərinin (FHN) yerli qurumlarının ciddi səyləri nəticəsində söndürülüb.

    ETSN-nin mətbuat xidmətindən "Report"a verilən məlumata görə, yanğın zamanı təxminən 25 sot ərazidə quru ot və kol-kos yanıb, meşə fonduna ziyan dəyməyib.

    Həmçinin Şabran rayonunun yüksək dağlıq ərazisində yerləşən Çuxurəzəmi kəndinin meşə ilə sərhəddindəki bələdiyyə torpaqlarında baş vermiş yanğın gecə saat 24 radələrində tam söndürülüb. ETSN-in yerli qurumlarının və FHN-in Dövlət Yanğından Mühafizə Xidməti əməkdaşlarının ciddi səyləri nəticəsində yanğının meşə fondu ərazisinə keçməsinin qarşısı alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi