Yuxarı
    Bağlamaq

    Keçən il məişət və istehsalat tullantılarının mühafizəsi sahəsində 509 akt və 264 protokol tərtib olunub

    11 iş isə hazırda icraatdadır

    Bakı. 23 yanvar. REPORT.AZ/ Ekologiya və Təbii Sərvətlər Nazirliyinin (ETSN) ətraf mühitin mühafizəsini həyata keçirən qurumları tərəfindən 2016-cı il ərzində ölkə ərazisində məişət və istehsalat tullantılarının mühafizəsi üzrə ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb.

    ETSN-dən “Report”a verilən məlumata görə, məişət tullantılarının mühafizəsi üzrə nazirliyin əməkdaşlarının apardığı araşdırma zamanı hüquqi və fiziki şəxslər tərəfindən yol verilmiş qanun pozuntularına görə 453 akt və 248 protokol tərtib olunub, müəyyən edilən nöqsanların aradan qaldırılması üçün icrası məcburi olan 291 müddətli “məcburi göstəriş” verilib. Qanun pozuntusuna yol verdiklərinə görə, hüquqi və fiziki şəxslərə qarşı ümumilikdə 223 iş üzrə 203770 manat məbləğində cərimə, 928 iş üzrə isə 134967,07 manat məbləğində ödəmə tətbiq edilib.

    Tədbir görülməsi üçün hüquq mühafizə orqanlarına göndərilmiş 108 işdən 91-nə, icra qruplarına göndərilmiş 145 işdən 41-nə və məhkəmələrə göndərilən 15 işdən 5-nə baxılıb. Qalan işlər isə hazırda icraatdadır.

    İstehsalat tullantılarının mühafizəsi üzrə hüquqi və fiziki şəxslər tərəfindən yol verilmiş qanun pozuntularına görə 56 akt və 16 protokol tərtib olunub, müəyyən edilmiş nöqsanların aradan qaldırılması üçün icrası məcburi olan 27 müddətli “məcburi göstəriş” verilib. Qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 16 iş üzrə 24300 manat məbləğində cərimə, 796 iş üzrə isə 201765,7 manat məbləğində ödəmə tətbiq edilib.

    Tədbir görülməsi üçün hüquq mühafizə orqanlarına göndərilən 7 işdən 2-nə, icra qruplarına göndərilmiş 12 işdən 11-nə və məhkəmələrə göndərilən 9 işdən 4-nə baxılıb. 11 iş isə hazırda icraatdadır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi