Yuxarı
    Bağlamaq

    İqlimşünaslar: Yer kürəsi əhalisinin dörddə üçü ölümcül istiliklə üz-üzə qalacaq

    Ən ağır hava şəraiti planetin tropik bölgələrində olacaq

    Bakı. 20 iyun. REPORT.AZ/ XXI əsrin sonlarına doğru Yer kürəsi əhalisinin dörddə üçü ölümcül istiliklə üz-üzə qalacaq.

    "Report" "The Independent"ə istinadən xəbər verir ki, bu barədə amerikalı və britaniyalı alimlərin "Nature Climate Change" jurnalında nəşr olunan araşdırmasında deyilir.

    Alimlərin bu qiymətləndirməsi istixana qazlarının atmosferə çıxan tullantılarının səviyyəsinin azalmamasına diqqət yetirdikdə ədalətlidir. Əks təqdirdə dünya əhalisinin demək olar, yarısı ölümcül istiliklə üz-üzə qalacaq. Proqnoza əsasən, ən ağır hava şəraiti planetin tropik bölgələrində olacaq.

    Alimlərin fikrincə, iqlim o qədər tez dəyişir ki, insanların yeni şəraitə uyğunlaşması çox çətin olacaq. Müəlliflərin hesablamalarına görə, hazırda planetin əhalisinin üçdə biri istilikdən əziyyət çəkir. Onlar bu nəticəyə 1980-ci ildən bəri istilik səbəbilə 1,9 mindən çox insan ölümünü təhlil edərək gəliblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi