Yuxarı

İDEA İctimai Birliyi “TəbiətimİZ” sosial aksiyasına əsas tərəfdaş olaraq qoşulub

İDEA İctimai Birliyi “TəbiətimİZ” sosial aksiyasına əsas tərəfdaş olar

Gənclər Fondunun, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin, bütün könüllü təşkilatların və hərəkatlarının iştirakı ilə həyata keçirilən “Azərbaycan Könüllülük Həftəsi” “TəbiətimİZ” kampaniyası ilə davam edib.

Gənclər Fondundan "Report"a verilən məlumata görə, Gənclər Fondu və Dövlət Agentliyi ilə birgə İDEA İctimai Birliyi də “TəbiətimİZ” sosial aksiyasına əsas tərəfdaş olaraq qoşulub.

“TəbiətimİZ” kampaniyası çərçivəsində 5000 nəfərdən çox könüllünün iştirakı ilə 10 şəhər və rayonda təmizlik aksiyaları həyata keçirilib. Əvvəlcə bütün könüllülər komandalara bölünüb, həyata keçiriləcək işlər barədə onlara ətraflı izahat verilib. Aksiyalar çərçivəsində çirklənmiş ərazilər, dəniz və çay sahilləri, gəzinti və istirahət yerləri, tarixi və təbiət abidələrinin ətrafı tullantılardan təmizlənib.

Bu işlərdən əlavə olaraq, 40 heyvansevər gənc könüllü bir araya gələrək IDEA Heyvanlara Qayğı mərkəzini ziyarət edib. IDEA İctimai Birliyinin təsisçisi Leyla Əliyevanın təşəbbüsü ilə yaradılan Mərkəzin missiyası heyvanların rifah və sağlamlığını yaxşılaşdırmaq, sterilizasiya yolu ilə Bakı və onun ətraflarında sahibsiz heyvanların sayını tənzimləmək, eləcə də zoonoz və parazitik infeksiyaların yayılmasının və beləliklə, ətraf mühitə və insanların sağlamlığına zərərli təsirlərin qarşısını almaq, eləcə də heyvanlara qarşı humanist və məsuliyyətli yanaşmanı təşviq etməkdən ibarətdir.

Könüllülərin ziyarətinin məqsədi Mərkəzin fəaliyyətini dəstəkləyərək, cəmiyyətdə heyvanlara, xüsusilə sahibsiz heyvanlara münasibətdə pozitiv yanaşmanı və onların rifahının yaxşılaşdırılmasının əhəmiyyəti haqqında məlumatlılığı artırmaqdan ibarətdır. Mərkəzin əməkdaşları könüllüləri düzgün yönləndirmək üçün onları görə biləcəkləri işlər və təhlükəsizlik qaydaları ilə bağlı məlumatlandırıb və könüllülərin fəaliyyəti zamanı onlara köməklik göstəriblər.

“Azərbaycan Könüllülük Həftəsi” 9 dekabradək bütün ölkəni əhatə edən tədbirlərlə davam edəcəkdir. Artıq “ŞəhidimİZ”, “VətənimİZ”, “Könüllülük sərhəd tanımır!” devizi ilə keçirilən kampaniya və aksiyalarda minlərlə gənc könüllü iştirak edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi