Həftənin ilk iş günü Bakıda 42 dərəcəyədək isti olacaq

Həftənin ilk iş günü Bakıda 42 dərəcəyədək isti olacaq Azərbaycanda müşahidə olunan isti hava şəraiti davam edəcək. Bəzi yerlərdə 42 dərəcə isti olacağı gözlənilir.
Ekologiya
330
2 Avqust , 2015 13:55
Həftənin ilk iş günü Bakıda 42 dərəcəyədək isti olacaq

Bakı. 2 avqust. REPORT.AZ/ Avqustun 3-də Bakıda və Abşeron yarımadasında hava günəşli olacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən "Report"-a verilən məlumata görə, mülayim şimal-qərb küləyi əsəcək. Havanın temperaturu gecə 24-27 dərəcə, gündüz 35-39 dərəcə, bəzi yerlərdə isə 42 dərəcə isti olacağı gözlənilir.

Dəniz suyunun temperaturu Abşeron çimərliklərində - Sumqayıt, Novxanı, Pirşağı, Nardaran, Bilgəhdə 27-28 dərəcə, Zağulba, Buzovna, Mərdəkan, Şüvəlanda 28-29 dərəcə, Türkan, Hövsan, Şıx və Sahildə 29-30 dərəcə isti təşkil edəcək.

Sabah Azərbaycan rayonlarında hava şəraitinin yağmursuz keçəcəyi gözlənilir. Şərq küləyi əsəcək.

Havanın temperaturu gecə 17-27, gündüz 30-40, bəzi yerlərdə 43, dağlarda gecə 18-23, gündüz 30-35 dərəcə isti olacaq.

Son xəbərlər

Orphus sistemi