Yuxarı
    Bağlamaq

    Ekspedisiya rəisi: “Bayıl sürüşmə sahəsində ailələrin evlərinə qayıtması hələlik mümkün deyil”

    Dinlə
    “Yamacda həmişə təhlükə var”© Report/ Elchin Murad

    Bakı. 23 may. REPORT.AZ/ “Bayıl sürüşmə sahəsinin yerləşdiyi yamacda həmişə təhlükə var”.

    Bunu “Report”a açıqlamasında Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

    O xatırladıb ki, hazırda təhlükəli vəziyyətlə bağlı olaraq ərazidəki evlərin kommunikasiya xətləri kəsilib: “Bu səbəbdən də ailələrin evlərinə qayıtması hələlik mümkün deyil".

    Ə.Qaralov bildirib ki, Bayılda yeni sürüşmə sahəsindəki çatlara mayaklar qoyulub: “Ekologiya və Təbii Sərvətlər Nazirliyinin əməkdaşları hər gün ərazidə olur, müşahidələr aparılır. İndi vəziyyət sabitdir, dəyişiklik yoxdur".

    O, "Sürüşmə zonasının ətrafında tikilən binalar üçün hər hansı təhlükə varmı" sualına cavab olaraq bildirib ki, həmin binalar tikilərkən onların bünövrəsi geoloji cəhətdən öyrənilib və onlara müvafiq qurumlar tərəfindən rəy verilib: "Bizim işimiz riskli əraziləri konturlaşdırmaq və bu barədə müvafiq qurumlara məlumat verməkdir".

    Ölkə ərazisində olan digər sürüşmə zonalarındakı vəziyyətə gəlincə, mütəxəssis qeyd edib ki, sürüşmə zonalarında vəziyyət sabit olaraq qalır: "Yeni sürüşmə sahəsinin yaranması ilə bağlı məlumat yoxdur". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi