Ekologiya və təbii sərvətlər naziri Tərtərdə vətəndaşları qəbul edəcək

Bakı. 16 noyabr. REPORT.AZ/ Ekologiya və təbii sərvətlər naziri Hüseyn Bağırov Tərtərdə vətəndaşları qəbul edəcək. Nazirlikdən “Report” verilən məlumata görə, qəbul noyabrın 24-ndə saat 10:00-da Tərtər şəhərində yerləşən Gənclər Mərkəzində olacaq.

Qəbulda Tərtər, Bərdə, Zərdab, Ucar, Xocavənd və Laçın rayonlarından olan vətəndaşlar iştirak edə bilər.

Qeyd edək ki, qəbula gəlmək istəyən vətəndaşlar qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 saylı “Qaynar xətt”i, həmçinin Bərdə şəhəri 12 saylı ərazi Ekologiya və Təbii Sərvətlər şöbəsi ilə əlaqə saxlaya (ünvan: Bərdə şəhəri, Qasım Bəy Zakir küçəsi 18, əlaqə telefonları: 050-565-43-55, 050-628-48-52, 020-20-5-44-82) bilərlər.