Ekologiya və təbii sərvətlər naziri Fransanın Azərbaycandakı səfirini qəbul edib

Bakı. 31 may. REPORT.AZ/ Ekologiya və Təbii Sərvətlər Nazirliyində mayın 31-də nazir Muxtar Babayevlə Fransanın Azərbaycandakı fövqəladə və səlahiyyətli səfiri xanım Orelia Buşez arasında tanışlıq görüşü keçirilib.

Bu barədə "Report"a Nazirliyin Mətbuat xidmətindən məlumat verilib.

Görüş zamanı ətraf mühitin mühafizəsi sahəsində Fransa təcrübəsinin öyrənilməsi, iki ölkə arasında imzalanmış Anlaşma Memorandumu çərçivəsində birgə fəaliyyətin təşkili və qarşılıqlı maraq doğuran məsələlər müzakirə edilib.