Cəlilabadda 40 ildir sakinləri zəhərləyən zibilxana təmizlənib

Cəlilabadda 40 ildir sakinləri zəhərləyən zibilxana təmizlənib Cəlilabad şəhəri Mirzəli Hüseynzadə küçəsində yerləşən və 40 ildir yığılan tullantılar daşınmayan zibilxana təmizlənib.
Ekologiya
900
30 Sentyabr , 2021 17:58
Cəlilabadda 40 ildir sakinləri zəhərləyən zibilxana təmizlənib

Cəlilabad şəhəri Mirzəli Hüseynzadə küçəsində yerləşən və 40 ildir yığılan tullantılar daşınmayan zibilxana təmizlənib.

Bu barədə “Report”un Muğan bürosuna həmin küçədə yaşayan sakinlər məlumat verib.

Onların sözlərinə görə, keçmiş “Məişət evi”nin yaxınlığında böyük bir zibillik poliqonu olub. Həmin əraziyə təxminən 40 il ərzində yaxınlıqdakı 2 mərtəbəli yaşayış binasının sakinləri ilə yanaşı, həm də ətraf küçələrin sakinləri öz məişət tullantılarını atıblar:

"Bu səbəbdən də şəhərin tam mərkəzində üfunətli bir mənzərə yaranmışdı. Bu ərazi bakteriya və mikrob mərkəzi, gəmirici, bəzən də yırtıcı və zəhərli heyvanların məkanına çevrilmişdi. Həmçinin məsuliyyətsiz şəxslər həmin zibilliyə od vurur, nəticədə ətrafda yerləşən evlərə və həyətyanı sahələrə, xüsusilə də ərazidən keçən dövlət əhəmiyyətli qaz xətti üçün ciddi təhlükə yaranırdı".

Məlumata görə, sonuncu dəfə ötən ilin avqust ayında şəhərin mərkəzində yerləşən zibilxanada yanğın törədilib: "Yanğın nəticəsində ətraf sakinlərə ciddi ziyan dəymişdi və hətta yanğın mərkəzi stadionun ərazisinə də keçmişdi. Yalnız yanğınsöndürənlərin əraziyə vaxtında gəlməsi və alovu söndürməsi nəticəsində böyük bir təhlükə sovuşmuşdu”.

Son xəbərlər

Orphus sistemi