Yuxarı

Nazir: "Bu gün su ehtiyatlarının idarə olunması məsələləri qlobal şəkildə geniş müzakirə olunur"

Bu gün su ehtiyatlarının idarə olunması məsələləri qlobal şəkildə geni

"Bu gün su ehtiyatlarının idarə edilməsi məsələləri qlobal şəkildə geniş müzakirə olunur. Bizim regionda da suların, xüsusən də transsərhəd suların idarə olunması və istifadə olunması, kəmiyyəti, keyfiyyəti diqqət mərkəzindədir".

"Report" xəbər verir ki , bunu Ekologiya və Təbii Sərvətlər Nazirliyinin Ətraf mühit üzrə Milli Monitorinq Departamentinin yenidən qurulmuş Laboratoriya Mərkəzinə baxış zamanı Ekologiya və Təbii Sərvətlər naziri Muxtar Babayev deyib.

O bildirib ki, Avropa İttifaqının həyata keçirilən layihədə aktiv iştirakı, layihənin həyata keçirilməsi bu məsələlərin diqqət mərkəzində olduğunun göstəricisidir: "Bir neçə laboratoriyanın qurulması və akkreditasiyası, burada çalışanların təlimlərə cəlb edilməsi növbəti mərhələdə geniş mübadilə sisteminin qurulmasına səbəb olacaq. Bu layihə Azərbaycan üçün önəmlidir və dövlət tərəfindən bu məsələlərlə bağlı böyük proqramlar icra edilir".

Nazir bildirib ki, alınan nəticələrlə müasir, çevik sistem qurulmasına çalışılacaq: "Bizim Avropa İttifaqı ilə bir neçə layihələrimiz var ki, hamısı uğurla icra olunur. Növbəti mərhələlərdə də bu layihələri davam etdirməkdə maraqlıyıq. İnanıram ki, bu əməkdaşlıq daha da genişlənəcək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi