Yuxarı
    Bağlamaq

    "Azəryaşlandşaft" ASC-nin sədri: "Bu il 16 500 zeytun, badam, nar və tut ağacları olmaqla yeni aqrobağlar salınıb"

    Dinlə
    © Report/ Elchin Murad

    Bakı. 18 may. REPORT.AZ/ "2018-ci ilin 4 ayı ərzində 35 hektar ərazidə 16 500 ədəd zeytun, badam, nar və tut ağacları olmaqla yeni aqrobağlar salınıb".

    "Report" xəbər verir ki, bunu "Azəryaşlandşaft" ASC-nin sədri Ramik Əşrəfov nazirlikdə keçirilən Azərbaycan Yaşıllaşdırma və Landşaft Quruluşu Açıq Səhmdar Cəmiyyətinin fəaliyyəti və cəmiyyət tərəfindən salınan yaşıllıqlar mövzusunda keçirdiyi mətbuat konfransında deyib.

    O bildirib ki, əkilən ağaclar nazirliyin tinglik sahələrində yetişdirilir: "Son illər xaricdən ting və toxum almırıq".

    R.Əşrəfov qeyd edib ki, 2018-2021-ci illər ərzində 1610,5 hektar sahədə yeni aqrobağların salınması nəzərdə tutulur: "Hazırda tinglik sahələrində 2 535 870 ədəd müxtəlif cinsli tinglər mövcuddur. 2018-ci ilin payızında isə 921 000 ədəd meyvə tinglərinin yetişdirilməsi nəzərdə tutulub".

    O xatırladıb ki, 2008-ci ildən bu günədək ölkənin magistral avtomobil yollarının ətrafında 4443 hektar ərzində 5 439 580 ədəd müxtəlif cinsli ağac əkilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi