Yuxarı

Azərbaycan 7-ci Dünya Su Forumunda təmsil olunub

Respublikamızı “Azərsu” ASC-nin sədri Qorxmaz Hüseynovun rəhbərliyi ilə nümayəndə heyəti təmsil edir

Bakı. 12 aprel. REPORT.AZ/ Koreya Respublikasının Dequ və Gyenju şəhərlərində 7-ci Dünya Su Forumu keçirilir. "Report" AZƏRTACa istinadən xəbər verir ki, tədbirdə Azərbaycanı “Azərsu” ASC-nin sədri Qorxmaz Hüseynovun rəhbərliyi ilə nümayəndə heyəti təmsil edir.

Dünya Su Şurasının təşkilatçılığı ilə hər üç ildən bir keçirilən forum su amilinin və su ilə əlaqədar geniş spektrli məsələlərin dövlətlərarası müzakirəsi üçün platforma xarakteri daşıyır.

Səfər çərçivəsində Azərbaycan nümayəndə heyəti forumun plenar iclasında, dəyirmi masalarda və müxtəlif bölmə iclaslarında iştirak edəcək, ikitərəfli görüşlər keçirəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi