Bakı. 13 fevral. REPORT.AZ/ Hər il dünyada 5,5 milyon adam havanın çirklənməsinə görə vaxtından əvvəl ölür. "Report" BBC-yə istinadən xəbər verir ki, bu barədə elmin inkişafı üzrə Amerika Assosiasiyasının iclasında təqdim olunan hesabatda deyilir.
Elektrik stansiyaları, zavod və fabriklər, nəqliyyat vasitələrinin tullantıları, eləcə də kömürün yanması nəticəsində yaranan toksik mikrohissəciklərin çox olduğu havanı qəbul etmək ürək xəstəliyi və ağciyər xərçəngi riskini ciddi şəkildə artırır.
Alimlərin araşdırmasına görə, havanın çirkliliyi az qidalanma, piylənmə, narkotikdən istifadə kimi hallarla müqayisədə daha çox ölümə səbəb olur.
Havanın keyfiyyətinə görə ölənlərin yarıdan çoxu Çin və Hindistanın payına düşür.