Yuxarı
    Bağlamaq

    Zəlimxan Yaqubun xatirəsi doğulduğu kənddə anılıb

    Mədəniyyət və incəsənət ustaları Zəlimxan Yaqubun şeirlərinə bəstələnmiş mahnılar ifa ediblər

    Tbilisi. 8 aprel. REPORT.AZ/ Xalq şairi, "Şöhrət" ordenli Zəlimxan Yaqubun xatirəsi doğulduğu Gürcüstanın Bolnisi rayonunun Kəpənəkçi kəndində anılıb.

    "Report"un Gürcüstan bürosu xəbər verir ki, tədbirdə Azərbaycanın Gürcüstandakı səfiri Dursun Həsənov, Azərbaycan Birliyinin katibi, əməkdar mədəniyyət işçisi Musa Nəbioğlu, Gürcüstan parlamentinin deputatı Mahir Dərziyev və başqaları çıxış edərək Zəlimxan Yaqubun həyat və fəaliyyətindən, Azərbaycan ədəbiyyatının zənginləşməsindəki xidmətlərindən danışıblar. 

    Bildirilib ki, Z.Yaqub təkcə Azərbaycanda və Gürcüstanda deyil, bütün Türk dünyasında sevilən böyük şair idi. Çıxışlarda Z.Yaqubun Azərbaycan-Gürcüstan dostluq əlaqələrinin inkişafindakı xidmətləri xüsusi vurğulanıb. Ölməz şairin xatirəsinin qəlblərdə, ürəklərdə daim yaşayacağı qeyd olunub. 

    Z.Yaqubun yaratdığı əsərlər dövlət tərəfindən də daim yüksək qiymətləndirilib.

    Mədəniyyət və incəsənət ustaları Z.Yaqubun şeirlərinə bəstələnmiş mahnılar ifa ediblər. Məktəblilər böyük ustadın şeirlərini söyləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi