Yuxarı

Özbəkistanda “Müasir özbək və Azərbaycan poeziyasının xüsusiyyətləri” adlı kitab nəşr olunacaq

Kitabın tərtibçisi Nizami Gəncəvi adına Daşkənd Dövlət Pedaqoji Universitetinin professoru Səadət Muxammedovadır

Bakı. 23 yanvar. REPORT.AZ/ Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzinin təşəbbüsü və maliyyə dəstəyi ilə Daşkənddə “Müasir özbək və Azərbaycan poeziyasının xüsusiyyətləri” adlı elmi-populyar kitab nəşr ediləcək.

"Report" xəbər verir ki, kitabın tərtibçisi Nizami Gəncəvi adına Daşkənd Dövlət Pedaqoji Universitetinin professoru Səadət Muxammedovadır.

Nəşr “Müasir özbək poeziyasının xüsusiyyətləri” və “Müasir Azərbaycan poeziyasının xüsusiyyətləri” adlı bölmələrdən ibarətdir. Kitabda müasir özbək və Azərbaycan poeziyasından nümunələr təhlil ediləcək, özbək və Azərbaycan şairlərinin orijinalda və özbək dilində şeirləri yer alacaq.

Nəşrdə özbək alimləri Səadət Muxammedova, Marquba Mirqasımova, Nəsibə Jumaniyazova, Babaxan Şərif, Nafosat Urakova və Azərbaycan alimləri Almaz Ülvi, Yaşar Qasımov, Təranə Həşimova və Əsad Cahangirin məqalələri də əksini tapacaq.

Kitabdakı məqalələr özbək, Azərbaycan və rus dillərindədir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi