Yuxarı
    Bağlamaq

    Türkiyədə Orxan Fikrətoğlunun "Ölü mətn" kitabının təqdimatı keçiriləcək

    Kitabı türkcəyə professor Fethi Gedikli çevirib və Türkiyənin Azaklıoğlu Necati bəy Vakfının dəstəyi ilə nəşr olunub

    Bakı.12 sentyabr. REPORT.AZ/ Türkiyədə yazıçı-ssenarist Orxan Fikrətoğlunun "Ölü mətn" kitabının təqdimatı keçiriləcək. "Report" xəbər verir ki, təqdimat mərasimi sentyabrın 19-da İstanbulda Aksaray Yusufpaşa prospektində baş tutacaq.

    Kitabı türkcəyə professor Fethi Gedikli çevirib və Türkiyənin Azaklıoğlu Necati bəy Vakfının dəstəyi ilə nəşr olunub. Kitaba iki roman, bir pyes, bir kino ssenarisi və onlarla hekayə daxildir.

    Qeyd edək ki, kitabdakı romanlardan biri post sufi janrına aid ilk romandır. Toplum itki verə-verə yox olmaqdansa, əksinə, romanın sonunda var olur. Müəllifin bu romanda zamana və dünyaya təklif etdiyi xilas ideyası sufi sevgisidir. Zaman-zaman müxtəlif səbəblərdən öldürülən romanın qəhrəmanı bütün mətn boyu yenidən ancaq sevgi ilə doğulur. Sevgisiz yaşanan hər bir hadisə romanda ölümlə bitir.

    "Ölü mətn" kitabının Türkiyədə keçiriləcək təqdimat mərasiminə Rusiya, Ukrayna və Azərbaycandan qonaqlar dəvət olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi