Yuxarı
    Bağlamaq

    “Müasir nağıllar” kitabı nəşr olunub

    Kitabın redaktoru AMEA-nın vitse-prezidenti, akademik İsa Həbibbəylidir

    Bakı. 29 noyabr. REPORT.AZ/ Azərbaycan Yazıçılar Birliyinin (AYB) üzvü Vüqar Haqverdiyevin uşaqlar üçün yazdığı “Müasir nağıllar” kitabı işıq üzü görüb.

    "Report"un məlumatına görə, kitab görkəmli ədəbiyyatşünas alim, AMEA-nın vitse-prezidenti, akademik İsa Həbibbəylinin redaktorluğu ilə “Nafta-Press” nəşriyyatı tərəfindən yüksək poliqrafik keyfiyyətdə nəşr edilib. 

    Nəşrə müəllifin son illər yazdığı əsərlər, o cümlədən Azərbaycan uşaq ədəbiyyatının inkişafı ilə bağlı ölkədə keçirilmiş mötəbər nağıl müsabiqələrində yüksək yerlərə layiq görülmüş nağıllar daxil edilib.

    Kitabda yer almış nağıllar uşaqlar üçün böyük tərbiyəvi əhəmiyyət daşımaqla bərabər, həm də mövzu, ideya, məzmun, süjet baxımından müasirliyi və orijinallığı ilə seçilir. Müəllifin özü tərəfindən süjetlərə uyğun olaraq çəkilmiş rəngli şəkillər isə nağıllardakı obrazları və hadisələri daha aydın təsəvvür etməyə kömək edir.

    Qeyd edək ki, V.Haqverdiyev Azərbaycan Milli Elmlər Akademiyası Rəyasət Heyəti Aparatının Elm və Təhsil İdarəsinin rəis müavinidir. O, ölkədə keçirilmiş “Müasir uşaq nağılı” müsabiqələrində, eləcə də jurnalist yazı müsabiqələrində dəfələrlə yüksək yerlərə layiq görülüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi