Yuxarı
    Bağlamaq

    Milli Kitabxanada "Seyfəddin Dağlı-95" adlı kitab sərgisi açılıb

    Sərgidə yazıçının kitabları, redaktoru olduğu kitablar və qəzet, jurnal materialları sərgilənir

    Bakı. 24 avqust. REPORT.AZ/ Azərbaycan ədəbiyyatının tanınmış nümayəndələrindən biri, yazıçı, şair, jurnalist, dramaturq Seyfəddin Dağlının anadan olmasının 95 illiyi münasibətilə avqustun 24-də Milli Kitabxanada "Seyfəddin Dağlı-95" adlı kitab sərgisi açılıb.

    Bu barədə "Report"a Milli Kitabxanadan məlumat verilib.

    Sərgidə yazıçının kitabları, redaktoru olduğu kitablar və qəzet, jurnal materialları sərgilənir.

    Qeyd edək ki, S.Dağlı 1921-ci il avqustun 27-də Xızıda dоğulub. Bir müddət "Kоmmunist" və "Оrdu" qəzetlərində müxtəlif vəzifələrdə çalışıb.

    Dövlət Radiо Kоmitəsində baş redaktоr (1956-1959), sоnra Bakı Telestudiyasının direktоru və sədr müavini vəzifələrində çalışıb. Uzun müddət "Kirpi" jurnalının baş redaktоru оlub. "Azərbaycanfilm" kinоstudiyasında ssenari redaksiya kоllegiyasının üzvü, "Yazıçı" nəşriyyatında redaktоr vəzifəsində çalışıb.

    1948-ci ildə "Dəniz kəşfiyyatçısı" adlı kitabı nəşr edilib. "Adı sənin, dadı mənim", "Aydınlığa dоğru", "Mənziliniz mübarək", "Təzə gəlin", "Kölgələr pıçıldaşır" pyesləri, "Bahar оğlu", "Məşəl", "Kəcil qapısı", "Sabiqlər" və sair kitabları geniş охucu kütləsinin rəğbətini qazanıb.

    S.Dağlı 1983-cü il yanvarın 18-də dünyasını dəyişib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi