​Məşhur alman yazıçı Günter Qrass vəfat edib

Bakı. 14 aprel. REPORT.AZ/ Almaniyanın Lyubek şəhərində dünya şöhrətli yazıçı Günter Qrass 87 yaşında dünyasını dəyişib.

"Report" xəbər verir ki, bu barədə Almaniyanın "Steidl Verlag" nəşri yazıb.

Günter Qrass 16 oktyabr 1927-ci ildə Dantsiqdə dünyaya gəlib. Onun ən məşhur romanı "Tənəkə təbil" alman rejissor Folker Şlendorf tərəfindən ekranlaşdırılıb və "Oskar" mükafatına layiq görülüb.