​Latviya Azərbaycan Milli Kitabxanasına kitablar və filmlərdən ibarət kolleksiya bağışlayıb

Bakı.7 iyul. REPORT.AZ/ Latviyanın Azərbaycandakı müvəqqəti işlər vəkili Yeva Mayorinin M.F.Axundov adına Azərbaycan Milli Kitabxanasının direktoru Kərim Tahirovla görüşü baş tututb.

Latviyanın Azərbaycandakı səfirliyindən "Report"a verilən məlumata görə, Latviya Milli Kitabxanasının "Xarici kitabxanalara kitab göndərilməsi" layihəsi çərçivəsində E.Mayori Azərbaycan Milli Kitabxanasına Latviyanın tarixi, onun siyasəti və mədəniyyəti haqqında 20 kitab hədiyyə edib.

Bundan əlavə, kitabxanaya Latviya istehsalı olan filmlərdən ibarət kolleksiya da hədiyyə olunub.