Yuxarı

Gürcüstan Prezidenti Bakıda Əli bəy Hüseynzadəni xatırlayıb

Bakı. 27 fevral. REPORT.AZ/ Bakıda rəsmi səfərdə olan Gürcüstan Prezidenti Salome Zurabişvili Prezident İlham Əliyev tərəfindən verilən ziyafətdə çıxışı zamanı Azərbaycanın böyük tarixi şəxsiyyəti olan Əli bəy Hüseynzadəni xatırlayıb.

“Report” xəbər verir ki, onun “Türkləşmə, islamlaşma və avropalaşma” adlı dirçəliş proqramının müəllifi olduğu qeyd edən, Zurabişvili, gürcülərdə də belə bir şəxsiyyətin olduğunu bildirib.

"Azərbaycanın böyük tarixi şəxsiyyətini – Əli bəy Hüseynzadəni xatırlamaq istərdim. O, Azərbaycanın “Türkləşmə, islamlaşma və avropalaşma” adlı dirçəliş proqramının müəllifidir.

Biz gürcülər üçün isə belə qəhrəman İlya Çavçavadzedir. O, “Vətən, dil, din” kəlamını bizim milli şüarımıza çevirərək avropalaşma ideyasını təbliğ edirdi.

Gürcülər və azərbaycanlılar azadlığa və dövlət quruculuğuna gedən yolu birlikdə keçiblər. Bu yol bu gün artıq bizim ümumi məqsədlərimizi müəyyən edir", - deyə o əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi