Fransalı yazıçı Mişel Bütor vəfat edib

Bakı. 25 avqust. REPORT.AZ/ Fransalı yazıçı Mişel Bütor 90 yaşında vəfat edib.

"Report" xəbər verir ki, bu barədə "Le Monde" qəzeti yazıb.

Mərhumun qohumlarının nəşrə verdikləri məlumata görə, Bütor səhər saatlarında Yuxarı Savoyya departamentində yerləşən Kontamin-sür-Arv kommunasının xəstəxanasında keçinib.

Bütorun yaradıcılığı Fransa nəsrində "yeni roman" istiqamətinə aiddir. O, "Dəyişiklik" romanına görə 1957-ci ildə Fransanın "Rendo" ədəbi mükafatına layiq görülüb.