Yuxarı
    Bağlamaq

    Bakıda Çingiz Aytmatovun Azərbaycan dilinə tərcümə olunmuş hekayələr toplusunun təqdimatı keçiriib

    ​Tədbirdə Qırğızıstan Xarici İşlər Nazirliyinin xüsusi nümayəndəsi iştirak edib

    Bakı. 8 noyabr. REPORT. AZ/ Bu gün Bakıda dünya şöhrətli qırğız yazıçısı Çingiz Aytmatovun Azərbaycan dilinə tərcümə olunmuş hekayələr toplusunun təqdimatı keçiriib.

    "Report"un məlumatına görə Qırğızıstanın Azərbaycandakı səfirliyində keçirilən tədbirdə çıxış edən bu ölkənin Xarici İşlər Nazirliyinin xüsusi nümayəndəsi Kanat Tursunkulov bildirib ki, Çingiz Aytmatovu yalnız qırğız və ya türk dünyasının yazıçısı deyil, o, dünya miqyaslı yazıçıdır.

    Çıxış edən Qırğızıstanın Azərbaycandakı müvəqqəti işlər vəkili Aycigit Buranov kitabın rus dilindən Azərbaycan dilinə tərcümə edilməsində əməyi olan şəxslərə təşəkkür edib, kitabın gənclər üçün maraqlı olacağına ümid etdiyini vurğulayıb.

    Daha sonra çıxış edən Azərbaycan Yazıçılar Birliyinin sədri Anar və millət vəkili Nizami Cəfərov də kitabın tərcüməsinin zərurətindən danışıblar.

    Qeyd edək ki, kitab tanınmış tərcüməçilər İbrahim İlyaslı və Təranə Quliyeva tərəfindən tərcümə olunub. Kitabın tirajı 300-dür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi