Yuxarı
    Bağlamaq

    Çexiya televiziyasında II Dünya müharibəsini SSRİ-nin başladığı bildirilib

    Çexiyanın Teleradio Yayım Şurası faktla bağlı araşdırmaya başlayıb

    Bakı. 9 noyabr. REPORT.AZ/ Çexiyanın Teleradio Yayım Şurası Çex televiziyasının qeyri-obyektiv informasiya yayması faktı ilə bağlı araşdırmaya başlayıb.

    "Report"un "Radio Praqa"ya istinadən verdiyi məlumata görə, sentyabrın 18-i səhər efirində radionun aparıcısı Yana Peroutkova məlumat verib ki, "Polşa Sovet qoşunlarının ölkəyə müdaxiləsinin 75-ci ildönümünü yad edir. 17 sentyabr 1939-cu il hadisələri Avropada II Dünya müharibəsinə səbəb olub".

    Xatırladaq ki, müharibənin başlanğıcı kimi Almaniyanın 1 sentyabr 1939-cu il tarixində Polşa ərazisinə hücum etməsi əsas götürülür. Bununla belə, Sovetin 1939-cu ilin sentyabrında Polşaya, daha dəqiq isə Qalisiya və Volına müdaxiləsi həqiqətən də baş verib. Sovet İttifaqı 1939-cu ildə Molotov – Ribbentrop paktı çərçivəsində nüfuz sahələrinin, o cümlədən Polşanın bölüşdürülməsi barədə Hitler Almaniyası ilə razılıq əldə edib.

    Çex televiziyası, çox güman ki, nəzarət qurumu tərəfindən cərimə olunacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi