Bakı. 27 dekabr. REPORT.AZ/ Səudiyyə Ərəbistanının rəhbərlik etdiyi ərəb koalisiyasının Yəmənə endirdiyi hava zərbələri nəticəsində 14 nəfər həlak olub.
"Report"un məlumatına görə, bu barədə "Əl-Məyadin" telekanalı xəbər verib.
Xəbərdə bildirilir ki, hava zərbələri ölkənin qərbindəki Əl-Hudeydə vilayətinə endirilib. Tuhayt yaşayış məntəqəsindəki ferma havadan hücuma məruz qalıb.
Ölənlərin hamısının bir ailənin üzvü olduqları ehtimal edilir.