Yaraqlılar Somalidəki hotelə hücum çəkib, 19 nəfər ölüb

Bakı. 15 iyun. REPORT.AZ/ Somalinin paytaxtı Mogadişoda yaraqlıların hotel və restorana hücumu nəticəsində ən azı 19 nəfər ölüb. Bu barədə “Report” “Reuters”ə istinadən xəbər verir.

Yaralıların sayı və ölənlərin milliyyəti barədə məlumat yoxdur.

Əvvəl avtomobildəki bomba partlayıb, sonra silahlı şəxslər hotelə hücum çəkərək insanları girov götürüb.

Polisin məlumatına görə, beş yaraqlı öldürülüb.