Yaponiyanın baş naziri Kim Çen Inla heç bir ilkin şərt olmadan görüşməyə hazırdır

Yaponiyanın baş naziri Sindzo Abe Koreya Xalq Demokratik Respublikasının lideri Kim Çen Inla heç bir ilkin şərt olmadan görüşməyə hazırdır.

“Report” xəbər verir ki, bunu Yaponiya hökumətinin başçısı BMT Baş Assambleyasının 74-cü sessiyasında yüksək səviyyəli siyasi müzakirələrdə çıxışı zamanı deyib.

Abe həmçinin ABŞ prezidenti Donald Trampın KXDR-a qarşı yanaşmasını dəstəklədiyini bəyan edib: “Bu yanaşmada iki lider açıq formada dialoq aparır və mövcud problemləri həll etməyə çalışır”.

Baş nazirin sözlərinə görə, məhz bu yanaşma “Şimali Koreyanı əhatə edən dinamikanı dəyişdirməyə” kömək edib.