Bakı. 22 iyun. REPORT.AZ/ Yaponiyanın baş naziri Sindzo Abe iyulun ortalarında İrana səfər edə bilər.
"Report" xəbər verir ki, bu barədə "Kiodo" agentliyi hökumətdəki mənbələrə istinadən məlumat yayıb.
Qeyd olunur ki, bu, 1978-ci ildən sonra Yaponiyanın baş nazirinin İrana ilk səfəri ola bilər. Abe səfər çərçivəsində İran prezidenti Həsən Ruhaniyə ölkəsinin nüvə razılaşmasına sadiqliyini ifadə etmək niyyətindədir. Yaponiya bu razılaşmanı dəstəkləməkdə davam edir.
Abe daha əvvəl bildirib ki, Yaxın Şərqdə də vəziyyətin nizamlanmasına kömək edəcək.