Yaponiyanın baş naziri 1978-ci ildən ilk dəfə olaraq İrana yola düşüb

Yaponiyanın baş naziri Sindzo Abe çərşənbə günü Tehrana rəsmi səfərə yola düşüb.

"Report" xəbər verir ki, o, Tehranda İranın ali dini lideri Əli Xamenei və prezident Həsən Ruhani ilə görüşəcək.

Yaponiyanın hökumət başçısı İrana sonuncu dəfə 1978-ci ildə İrana səfər edib. O zaman İranda şah rejimi idi və İslam Respublikası qurulmamışdı.

Danışıqların mərkəzi mövzusunun ABŞ-ın çıxmasına baxmayaraq, İran nüvə sazişinin saxlanılması olacağı gözlənilir.