Bakı. 18 iyul. REPORT.AZ/ Yaponiyanın qərbində, Osaka da daxil olmaqla bir sıra yaşayış məntəqələrində tüğyan edən qasırğa nəticəsində dörd nəfər ölüb, 56 nəfər isə xəsarət alıb. Bu barədə "Report" RİA "Novosti"-yə istinadən məlumat verir.
18 prefekturada zərərçəkən insanlar müəyyən edilib. İyulun 17-də orada yağan yağıntının miqdarı maksimum həddə çataraq 300 millimetr təşkil edib.
Şənbə günü Yaponiyanın Kiodo agentliyinin verdiyi məlumatına görə, Osaka və digər yaşayış məntəqələrində leysan yağışları səbəbindən 15 dəmir yolu xəttində qatarların hərəkəti dayandırılıb. Bu 500 mindən yuxarı sərnişinə təsir göstərib.