Yaponiya sahillərində ABŞ-a məxsus iki hərbi təyyarə toqquşub

Bakı. 6 dekabr. REPORT.AZ/ Birləşmiş Ştatların hərbi dəniz qüvvələrinə məxsus "F/A-18" tipli bombardımançı və "KS-130" tipli yanacaqdolduran təyyarəsi Yaponiya sahillərində bir-biri ilə toqquşub.

“Report” xəbər verir ki, bu barədə ABŞ-ın Dəniz Piyada Korpusunun bəyanatında deyilir.

Bildirilir ki, təyyarələr Amerikanın İvakuni bazasından havaya qalxıb və "planlı təlim uçuşu" həyata keçiriblər.

Qəza zamanı ölən və yaralananlar barədə məlumat yoxdur.

Hazırda qəza yerində axtarış-xilasetmə işləri aparılır.