Xeyriyyə təşkilatı Aralıq dənizində 6 min qaçqını xilas edib

Bakı. 17 aprel. REPORT.AZ/ “Jugend rettet” (“Gənclik xilas edir”) xeyriyyə təşkilatı Aralıq dənizində son 3 gündə 6 min qaçqını xilas edib. 

“Report” “DW”yə istinadən xəbər verir ki, bunu xeyriyyə təşkilatının “Luventa” adlı gəmisinin kapitanı Kay Kalteqertner bildirib.

Onun sözlərinə görə, batmaq təhlükəsi ilə üzləşən insanları sudan gəmi göyərtələrinə qaldıraraq, xilas ediblər.

İnformasiyaya əsasən, xilasetmə zamanı gəmilərdən biri az qala qəzaya uğrayacaqmış.