Ukrayna prezidenti Vladimir Zelenski oktyabrda Estoniyaya rəsmi səfər etməyi planlaşdırır.
"Report"un məlumatına görə, bu barədə Ukrayna prezidentinin saytında xəbər verilib.
"Mən əminəm ki, biz bu səfər zamanı Ukrayna üçün çox əhəmiyyətli olan Estoniya təcrübəsini qəbul edə biləcəyik", - deyə Ukrayna prezidentinin saytı Zelenskidən sitat gətirib.
Qeyd edilir ki, dəvət təklifi Estoniya prezidenti Kerst Kalyulayd tərəfindən edilib.
Ukrayna lideri həmçinin ölkəsi ilə Estoniya arasında siyasi dialoqun yaxşı dinamikasını qeyd edib.