Venesuela müxalifəti nümayəndələrini BMT-yə göndərəcək

Venesuela müxalifəti nümayəndələrini Nyu-Yorka, BMT Baş Assambleyasına göndərəcək.

Bu barədə "Report" RİA "Novosti" agentliyinə istinadən xəbər verir.

Qeyd edilir ki, Venesuela müxalifətinin lideri Xuan Quaydo özünün "Twitter"dəki səhifəsində hökumət əleyhdarlarının ABŞ-a nümayəndə göndərəcəyi barədə xəbər verib.

"Biz BMT Baş Assambleyasının 74-cü sessiyasında hökumətimizi və bütün venesuelalıları təmsil edəcək nümayəndə heyətini formalaşdırdıq", - deyə o yazıb.